شہبازشریف کا جنگی بنیادوں پر ملک بھر میں ویکسین کی فراہمی کا عمل شروع کرنے کا مطالبہ

شہبازشریف کا جنگی بنیادوں پر ملک بھر میں ویکسین کی فراہمی کا عمل شروع کرنے کا مطالبہ
ہر محاذ پر ناکام حکومت کورونا کے پھیلاو کو روکنے میں سنگین بدانتظامی سے قوم کی اجتماعی زندگی خطرے میں ڈال چکی ہے
حکومتی سطح پر جامع حکمت عملی نہ ہونے کی وجہ سے انتظامی اور حکومتی نظام مکمل طورپر مفلو ج اور معطل ہوچکا ہے
کورونا ویکسین کی خریداری اور شہریوں کوبروقت فراہمی ہوتی تو اس ہلاکت خیز وائرس کوپھیلنے سے روکا جاسکتا تھا
ہسپتالوں کا انتظام بھی افراتفری کا شکار ہے، متبادل انتظامات کی غیرموجودگی اورپیشگی تیاری کہیں دکھائی نہیں دے رہی
افسوسناک اور سنگین ترین امر یہ ہے کہ اس وقت بھی حکومت درپیش حالات کے مطابق اقدامات نہیں کررہی
حالات بدسے بدترین ہوتے جارہے ہیں اورحکومت سنگین ترین مجرمانہ غفلت کی مرتکب ہورہی ہے
این سی او سی پیش بندی نہ کرسکی کہ آنے والے حالات کا ر±خ کیا ہوگا اور ہمیں طویل المدتی کیا لائحہ عمل اپنانا چاہئے
وائرس کی ملک میں آمد کی وجوہات، پھیلاو روکنے اور ویکسین فراہمی کے بنیادی پہلووں پر جامع نظام کی تیاری درکار تھی اور ہے
اپنی جان چھڑانے کے لئے کسی دوسرے کے گلے ڈالنے والا رویہ ملک وقوم کو بحران سے نہیں نکال سکتا، نئے بحران میں دھکیل ضرور سکتا ہے
عمران نیازی اپنے لایعنی فلسفوں میں وقت برباد نہ کرتے، تیاری کرتے تو آج اموات 200 نہ پہنچتیں
عمران نیازی صاحب کا تو کچھ نہیں گیا، البتہ خاندانوں کے خاندان اجڑنے سے معاشرہ تباہی و بدترین غربت، نفسیاتی مسائل سے دوچار ہورہا ہے
پارٹی رہنماوں اور ارکان پارلیمان کی شہبازشریف کو رہائی پر مبارکباد، شہباز شریف نے رہائی پر اللہ تعالیٰ کا شکر ادا کیا
رہنماوں نے پنجاب کے عوام کے لیے بالخصوص اور ملک بھر کے عوام کے لئے بالعموم شہباز شریف کی خدمات کو خراج تحسین پیش کیا
پنجاب کی عوام شہبازشریف کی عوامی خدمت کے شاندار اور مثالی دور کو آج یاد کر رہے ہیں:اراکین اسمبلی
جنوبی پنجاب کے لوگ مسلم لیگ (ن) کے دور کی ترقی کا سفر دوبارہ آگے بڑھتا ہوا دیکھنا چاہتے ہیں:اراکین اسمبلی
شہبازشریف نے پارٹی رہنماوں اور کارکنان کے حمایت کرنے اور ان کے جذبے کو سراہتے ہوئے شکریہ ادا کیا
شہبازشریف کی پارٹی رہنماوں کو کورونا وباکی صورتحال اور اپنے اپنے حلقے میں غریب اور نادار افراد کی خصوصی دیکھ بھال کی ہدایت
پاکستان مسلم لیگ (ن) کے صدر اور قائد حزب اختلاف شہبازشریف کی پارٹی ارکان پارلیمان سے ملاقات میں گفتگو، جنوبی پنجاب سے پارٹی کے ارکان اسمبلی اور ٹکٹ ہولڈرز بھی ملاقات میں شریک ہوئے

لاہور ( ) پاکستان مسلم لیگ (ن) کے صدر اور قائد حزب اختلاف شہبازشریف نے کورونا وبا کے پھیلاو میں خطرناک اضافہ کے پیش نظر عوام کی زندگیاں بچانے کے لئے جنگی بنیادوں پر ملک بھر میں ویکسین کی فراہمی کا عمل شروع کرنے کا مطالبہ کیا ہے۔ جمعرات کو پارٹی ارکان پارلیمان سے ملاقات میں گفتگو کرتے ہوئے قائد حزب اختلاف نے کورونا کے پھیلاو اور اس سے اموات پر گہری تشویش کا اظہار کرتے ہوئے متاثرہ خاندانوں سے ہمدردی کا اظہار کیا اور مرحومین کی مغفرت کی دعا کی۔ انہوں نے کہاکہ ہر محاذ پر ناکام حکومت کورونا کے پھیلاو کو روکنے میں سنگین بدانتظامی سے قوم کی اجتماعی زندگی خطرے میں ڈال چکی ہے ۔ انہوں نے کہاکہ حکومتی سطح پر جامع حکمت عملی نہ ہونے کی وجہ سے انتظامی اور حکومتی نظام مکمل طورپر مفلو ج اور معطل ہوچکا ہے ۔ کورونا ویکسین کی خریداری اور شہریوں کوبروقت فراہمی ہوتی تو اس ہلاکت خیز وائرس کوپھیلنے سے روکا جاسکتا تھا ۔ ہسپتالوں کا انتظام بھی افراتفری کا شکار ہے، متبادل انتظامات کی غیرموجودگی اورپیشگی تیاری کہیں دکھائی نہیں دے رہی جولمحہ فکریہ ہے۔ انہوں نے کہاکہ افسوسناک اور سنگین ترین امر یہ ہے کہ اس وقت بھی حکومت درپیش حالات کے مطابق اقدامات نہیں کررہی۔ حالات بدسے بدترین ہوتے جارہے ہیں اورحکومت سنگین ترین مجرمانہ غفلت کی مرتکب ہورہی ہے ۔ پاکستان مسلم لیگ (ن) کے صدر نے کہاکہ این سی او سی پیش بندی نہ کرسکی کہ آنے والے حالات کا ر±خ کیا ہوگا اور ہمیں طویل المدتی کیا لائحہ عمل اپنانا چاہئے ۔ وائرس کی ملک میں آمد کی وجوہات، پھیلاو روکنے اور ویکسین فراہمی کے بنیادی پہلووں پر جامع نظام کی تیاری درکار تھی اور ہے ۔ اپنی جان چھڑانے کے لئے کسی دوسرے کے گلے ڈالنے والا رویہ ملک وقوم کو بحران سے نہیں نکال سکتا، نئے بحران میں دھکیل ضرور سکتا ہے ۔ عمران نیازی اپنے لایعنی فلسفوں میں وقت برباد نہ کرتے، تیاری کرتے تو آج اموات 200 نہ پہنچتیں۔ عمران نیازی صاحب کا تو کچھ نہیں گیا، البتہ خاندانوں کے خاندان اجڑنے سے معاشرہ تباہی و بدترین غربت، نفسیاتی مسائل سے دوچار ہورہا ہے۔ پارٹی رہنماوں اور ارکان پارلیمان نے شہبازشریف کو رہائی پر مبارکباددی۔ جنوبی پنجاب سے پارٹی کے ارکان اسمبلی اور ٹکٹ ہولڈرز بھی ملاقات میں شریک ہوئے۔ شہباز شریف نے رہائی پر اللہ تعالیٰ کا شکر ادا کیا۔ اس موقع پر رہنماوں نے پنجاب کے عوام کے لیے بالخصوص اور ملک بھر کے عوام کے لئے بالعموم شہباز شریف کی خدمات کو خراج تحسین پیش کرتے ہوئے کہاکہ پنجاب کی عوام شہبازشریف کی عوامی خدمت کے شاندار اور مثالی دور کو آج یاد کر رہے ہیں۔ جنوبی پنجاب کے لوگ مسلم لیگ (ن) کے دور کی ترقی کا سفر دوبارہ آگے بڑھتا ہوا دیکھنا چاہتے ہیں۔ شہبازشریف نے پارٹی رہنماوں اور کارکنان کے حمایت کرنے اور ان کے جذبے کو سراہتے ہوئے شکریہ ادا کیا ۔ شہبازشریف نے پارٹی رہنماوں کو کورونا وباکی صورتحال اور اپنے اپنے حلقے میں غریب اور نادار افراد کی خصوصی دیکھ بھال کی ہدایت کی۔