عمران صاحب کے حکم پر غیرقانونی فار ن فنڈنگ کیس میں من مرضی کا فیصلہ لینے کے لئے الیکشن کمشن کو بلیک میل کیاجا رہا ہے
ڈسکہ الیکشن کی دھند اور الیکشن چوری پکڑے جانے کی رپورٹ رکوانے کے لئے حکومت کی طرف سے الیکشن کمشن پر دباؤ ڈالا جا رہا ہے
ڈسکہ اور اب کنٹونمنٹ بورڈ کے الیکشن کے نتائج کا غصہ عمران صاحب کے حکم پر الیکش کمیشن پہ نکالا جا رہا ہے
پاکستان مسلم لیگ (ن) کی ترجمان مریم اورنگزیب کا الیکشن کمشن سے پریس کانفرنس کرنے والے وفاقی وزراء کو سزا دینے کا مطالبہ
اسلام آباد ( ) پاکستان مسلم لیگ (ن) کی ترجمان مریم اورنگزیب نے الیکشن کمیشن کے خلاف وفاقی وزراء کی پریس کانفرنس کی مذمت کرتے ہوئے کہا ہے کہ عمران خان کے حکم پہ الیکشن کمشن کو بلیک میل کیا جا رہا ہے، الیکشن کمشن کے ارکان کو چیف الیکشن کمشنر کے خلاف اکسانے پر وزرا کے خلاف سخت قانونی کارروائی کی جائے۔ الیکشن کمیشن کے خلاف وفاقی وزراء کی پریس کانفرنس پر اتوار کو اپنے بیان میں انہوں نے کہا کہ الیکشن کمشن اور ارکان پارلیمان کے سوالات کے حکومت کے پاس جواب نہیں، اس لئے پی آئی ڈی میں بیٹھ کر الیکشن کمشن پر حملے کئے جارہے ہیں۔ الیکشن کمشن کے ارکان کو چیف الیکشن کمشنر کے خلاف بغاوت پر اکسانا آئین سے غداری اور آئینی اداروں پر حملہ ہے۔ انہوں نے کہا کہ الیکشن ایکٹ کے آرٹیکل 10 کے تحت الیکشن کمشن وفاقی وزرا کے خلاف قانونی کارروائی کرے۔ ترجمان مسلم لیگ (ن) نے کہا کہ الیکشن کمشن پر سنگین الزامات حکومت کی غیرجمہوری اور آمرانہ سوچ کا ثبوت ہے۔ آرٹی ایس کی پیداوار حکومت اور اس کے وزراءچیف الیکشن کمشنر پر بے بنیاد الزامات لگارہے ہیں۔ انہوں نے کہا کہ چیف الیکشن کمشنر اور اس کے ارکان آئین اور قانون کی زبان بول رہے ہیں جو مسلط شدہ حکومت کو سمجھ نہیں آتی۔ مریم اورنگزیب نے کہا کہ عمران صاحب غیرقانون فارن فنڈنگ سے نجات کے لئے الیکشن کمشن پر دباو ڈال رہے ہیں۔ عمران صاحب کے حکم پر غیرقانونی فار ن فنڈنگ کیس میں من مرضی کا فیصلہ لینے کے لئے الیکشن کمشن کو بلیک میل کیاجا رہا ہے۔ مسلم لیگ (ن) کی ترجمان نے کہا کہ ڈسکہ الیکشن کی دھند اور الیکشن چوری پکڑے جانے کی رپورٹ رکوانے کے لئے حکومت کی طرف سے الیکشن کمشن پر دباؤ ڈالا جا رہا ہے۔ ڈسکہ اور اب کنٹونمنٹ بورڈ کے الیکشن کے نتائج کا غصہ عمران صاحب کے حکم پر الیکش کمیشن پہ نکالا جا رہا ہے۔
***
