سلیکٹڈ ووٹ چور وزیراعظم عوام کی لیڈر مریم نواز شریف سے گھبرائے ہوئے ہیں:مریم اورنگزیب
قانون سے بالاتر صرف عمران صاحب ہیں
مالم جبہ، فارن فنڈنگ، بلین ٹری سونامی، بی آر ٹی، بنی گالہ، زمان پارک، 400 ارب چینی، سوا 200 ارب آٹا، 122 ارب ایل این جی چوری عمران صاحب کے قانون سے بالاتر ہونے کی مثالیں ہیں
عمران صاحب اسلامی فلاحی ریاست اسرائیل اور بھارت سے غیر قانونی فنڈنگ لے کر نہیں بنتی
بہنوئی کے پلاٹ کا قبضہ چھڑانے کے لئے “جہاد” میں پنجاب کے 6 آئی جیز “شہید” ہوگئے
عمران صاحب آپ ہزاروں نہیں 23 فارن فنڈنگ اکاو¿نٹس کا جواب دیں، آئیں بائیں شائیں کا کوئی فائدہ نہیں
پاکستان مسلم لیگ(ن) کی ترجمان مریم اورنگزیب نے وزیراعظم عمران خان کو مریم نواز شریف سے خوفزدہ قرار دے دیا
اسلام آباد ( ) پاکستان مسلم لیگ(ن) کی ترجمان مریم اورنگزیب نے وزیراعظم عمران خان کو مریم نواز شریف سے خوفزدہ قرار دیتے ہوئے کہا ہے کہ سلیکٹڈ ووٹ چور وزیراعظم عوام کی لیڈر مریم نواز شریف سے گھبرائے ہوئے ہیں۔ قانون سے بالاتر صرف عمران صاحب ہیں ۔ مالم جبہ، فارن فنڈنگ، بلین ٹری سونامی، بی آر ٹی، بنی گالہ، زمان پارک، 400 ارب چینی، سوا 200 ارب آٹا، 122 ارب ایل این جی میں چوری عمران صاحب کے قانون سے بالاتر ہونے کی مثالیں ہیں۔عمران صاحب اسلامی فلاحی ریاست اسرائیل اور بھارت سے غیر قانونی فنڈنگ لے کر نہیں بنتی۔ بہنوئی کے پلاٹ کا قبضہ چھڑانے کے لئے “جہاد” میں پنجاب کے 6 آئی جیز “شہید” ہوگئے ۔ وزیر اعظم عمران خان کے بیان پر جمعہ کو اپنے ردعمل میں ترجمان مسلم لیگ (ن) نے کہاکہ خود کو وزیراعظم سمجھنے والا سیلیکٹڈ عوام کی لیڈر مریم نواز سے خوفزدہ ہے کیونکہ خود کو پتہ ہے کہ سیلیکٹڈ ہیں ۔ انہوں نے کہاکہ خود کو وزیراعظم سمجھنے والا 23 فارن فنڈنگ اکاو¿نٹس سے غیر قانونی پیسہ منگواتے پکڑا گیا ہے ۔ووٹ چوری سے ملک پر قبضہ کرنے والے عمران صاحب سب سے بڑے قبضہ مافیا کا سرغنہ ہیں ۔ انہوں نے کہاکہ نئے پاکستان میں عمران صاحب کا غیر قانونی گھر قانونی ہو جاتا ہے۔ سلیکٹڈ وزیراعظم قومی خزانے سے کمشن کھاتے پکڑا گیا ہے۔ مریم اورنگزیب نے کہاکہ ڈالر، آٹا، چینی، دوائی چور مافیا کے پشت پناہ اور سہولت کار عمران صاحب ہیں ۔ مریم نواز شریف سے کچھ پوچھنے سے پہلے سرکاری زمین پر قبضہ کر کے بنی گالہ کا گھر قانون میں تبدیلی سے ریگولرائز کرایا، اس کا جواب دیں۔پاکستان مسلم لیگ (ن) کی ترجمان نے کہاکہ عمران صاحب کی سرپرستی میں آٹا، چینی، دوائی، ایل این جی چوروں اور کمشن خوروں نے ملک میں تباہی مچائی ہوئی ہے۔عمران صاحب دائیں بائیں دیکھیں قبضہ مافیا، آٹا چینی بجلی گیس سمیت ہر ورائٹی کے چور نظر آجائیں گے۔ مریم نواز شریف سے سوال پوچھنے سے پہلے عمران صاحب اپنی شکل آئینے میں دیکھیں۔ انہوں نے کہاکہ قانون سے بالاتر صرف عمران صاحب ہیں ۔ مالم جبہ، فارن فنڈنگ، بلین ٹری سونامی، بی آر ٹی، بنی گالہ، زمان پارک، 400 ارب چینی، سوا 200 ارب آٹا، 122 ارب ایل این جی میں چوری عمران صاحب کے قانون سے بالاتر ہونے کی مثالیں ہیں۔ عمران صاحب قومی خزانے کی چوری اور براڈ شیٹ میں کمشن کھانے سمیت تمام ڈکیتیوں میں سہولت کار ہیں ۔ مریم اورنگزیب نے کہاکہ عمران صاحب آپ ہزاروں نہیں 23 فارن فنڈنگ اکاو¿نٹس کا جواب دیں، آئیں بائیں شائیں کا کوئی فائدہ نہیں۔انہوں نے کہاکہ عمران صاحب اسلامی فلاحی ریاست اسرائیل اور بھارت سے غیر قانونی فنڈنگ لے کر نہیں بنتی۔
بہنوئی کے پلاٹ کا قبضہ چھڑانے کے لئے “جہاد” میں پنجاب کے 6 آئی جیز “شہید” ہوگئے ۔ ترجمان مسلم لیگ (ن) نے کہاکہ عمران صاحب بلین ٹری سونامی میں اربوں روپے کی کرپشن کا جواب کب دیں گے؟عمران صاحب ماحولیات ، آٹا چینی ، دوائی بجلی اور گیس سب میں کرپشن ؟عمران صاحب پاکستان کو کرپٹ ترین ملک بنانے کا جواب دیں؟
