پاکستان مسلم لیگ (ن) کی ترجمان مریم اورنگزیب نے وفاقی وزراءکی بجلی بریک ڈاون پرپریس کانفرنس کو جھوٹ کا خبرنامہ قرار دے دیا
اڑھائی سال سے نالائق ، نااہل اور چور مسلط کردہ ٹولے کی وجہ سے ملک کے ہر شعبہ کا بریک ڈاون جاری ہے
بریک ڈاون کا ابھی تک آپ کو معلوم نہیں ہوسکا، لیکن یہ پتہ چل گیا کہ نوازشریف اس کا ذمہ دار ہے؟ کوئی شرم، کوئی حیا؟
گرمیوں میں نواز شریف کی بنائی ہوئی پچیس ہزار میگا واٹ تک بجلی کی ترسیل ہو رہی تھی، لیکن آج نواز شریف کی غلطی کے وجہ سے نظام خراب ہو گیا ؟
سردیوں میں نصف کھپت ہونے کے باوجود بجلی کی ترسیل نواز شریف کی غلطی کی وجہ سے نہیں ہو رہی ؟ کوئی شرم ؟؟
کل تک نواز شریف کی بنائی ہوئی بجلی کی ترسیل ہو رہی تھی لیکن رات کو نواز شریف کی بنائی ہوئی بجلی کی ترسیل بند ہو گئی ؟ بات کرتے وقت شرم آنی چاہئیے
جن سے اڑھائی سال میں وفاق میں اور آٹھ سال میں خیبرپختونخواہ میں ایک میگاواٹ بجلی نہیں بن سکی وہ کہہ رہے نواز شریف کی وجہ سے کل رات بریک ڈاؤن ہوا ؟ کوئی شرم
نوازشریف نے قوم کو اٹھارہ اٹھارہ گھنٹے کی لوڈشیڈنگ سے نجات دلائی، نئے پاور پلانٹس لگائے جو سیلیکٹڈ چلابھی نہیں پارہے
اگر ترسیل کا نظام خراب تھا تو عمران صاحب اٹھارہ گھنٹے کی لوڈشیڈنگ صفر کیسے ہوئی؟
حکمرانوں کی حالت دیکھ کر”بندر کے ہاتھ استر ا“ والی مثال بار بار قوم کے ذہن میں آرہی ہے
جب حکمران چور, نالائق اور نااہل ہو تو اندھیرا قوم کا مقدر بن جاتا ہے
عمران صاحب کا بیان آنے والا ہے کہ نوازشریف کے لگائے پاور پلانٹس بلیک میل کررہے ہیں؟
عمران صاحب جب سے آئے ہیں ہر چیز کا بریک ڈاون ہورہا ہے
ڈالر، معیشت، روزگار، کاروبار، آٹے، چینی، خوراک کا بریک ڈاون ہوچکا ہے
ریلوے، پی آئی اے، ایف بی آر، وزارتوں، اداروںاورخارجہ پالیسی کا بریک ڈاون ہوچکا ہے
