PMLN Women wing Islamabad body announced

مسلم لیگ ن شعبہ خواتین اسلام آباد کے عہدیداران کی نامزدگیاں
اسلام آباد ( )پاکستان مسلم لیگ ن شعبہ خواتین کی مرکزی صدر سینٹر بیگم نزہت عامر نے مسلم لیگ ن اسلام آباد کی عہدیداران کی نامزدگی کر دی ہے۔رکن قومی اسمبلی فرحانہ قمر کومسلم لیگ ن شعبہ خواتین فیڈرل کیپیٹل کی صدر ،سعیدہ مشتاق نائب صدر اور کنیز زہرہ خان کو جنرل سیکرٹری نامزد کیا گیا ہے۔اسلام آباد رورل میں الماس امتیاز صدر، سلیقہ اورنگزیب نائب صدر اور ڈاکٹر حمیراسلیم کو جنرل سیکرٹری نامزد کیا گیا ہے ۔اسلام آباد سٹی میں صدر فرح اکبر،نائب صدر چاند بی بی،جنرل سیکرٹری رفعت عظیم ، جوائنٹ سیکرٹریز نگہت شہزادی ،افشاں طور اور ثمینہ عارف کو نامزد کیاگیا۔نصرت قادر کو اسلام آباد یوتھ ونگ کی صدر ،جبکہ ماہم کو اسلام آباد یوتھ ونگ کی جنرل سیکرٹری نامزد کیا گیا ہے۔یہ نامزدگیاں پاکستان مسلم لیگ(ن)شعبہ خواتین کے اجلاس میں ہوئیں جو پارٹی کے مرکزی سیکرٹریٹ اسلام آباد میں منعقد ہوااجلاس کی صدارت مرکزی صد ر سینٹر بیگم نزہت عامر نے کی ۔اس موقع پر خواتین ونگ کی مرکزی صدر نزہت عامر نے کہا کہ مجھے قومی امید ہے کہ نئی نامزد ہونے والی خواتین اپنی ذمہ داریاں نہایت احسن طریقے سے سر انجام دیں گی اور خواتین ونگ کی مضبوطی اور اس کو مزید فعال بنانے میں اپنا کردا ادا کریں گی ۔اسلام آباد شعبہ خواتین کی نو منتخب صدر فرحانہ قمر نے کہا کہ وہ اپنی تمام تر صلاحیتیں بروئے کار لاتے ہوئے خواتین ونگ اسلام آباد کو اس طرح فعال کریں گی کہ وہ اپنی پارٹی کے بہتر امیج اور خواتین کے پارٹی میں کردار کو درست انداز میں اجاگر کر سکیں ۔