PMLN spokesman on Imran Khan speech

عمران خان نے نوازشریف اور ان کے خاندان سے متعلق جو زبان استعمال کی ہے کسی سیاستدان اور شریف آدمی کی نہیں ،
عمران خان نے بدزبانی کی تاریخ رقم کرکے میانوالی کے وفادار اور غیرت مند لوگوںکے سرشرم سے جھکا دئیے
،جو شخص اپنے خاندان سے وفا نہ کرسکا قوم اس سے کیسے وعدوں کی پاسداری کی توقع کرسکتی ہے
عمران خان اپنے سیاسی مستقبل سے مایوس ہو کر سب پر کیچڑ اچھال رہے ہیں ،
عاصم خان ترجمان مسلم لیگ(ن)
اسلام آباد( )پاکستان مسلم لیگ(ن) کے ترجمان عاصم خان نے کہاہے کہ عمران خان نے نوازشریف اور ان کے خاندان سے متعلق جو زبان استعمال کی ہے کسی سیاستدان اور شریف آدمی کی نہیں ، کوئی خاندانی انسان عمران خا ن جیسی زبان استعمال نہیں کرسکتا- انہوںنے کہاکہ عمران خان کا ذاتی کردار جا کر میانوالی میں ان کے خاندان سے پوچھا جاسکتا ہے،عمران خان نے بدزبانی کی تاریخ رقم کرکے میانوالی کے وفادار اور غیرت مند لوگوںکے سرشرم سے جھکا دئیے – انہوںنے کہاکہ سیاست شریفانہ پیشہ ہے یہاں بدمعاشی کی گنجائش نہیں،عمران خان فطرتا” بے وفاشخص ہیں،عوام نوازشریف کی زبان سے بھی آگاہ ہیں اور عمران خان کا لب ولہجہ بھی ان کے سامنے ہے- ترجمان نے کہاکہ عمران خان بوکھلاہٹ میں اخلاقیات کی ہر حد پھلانگ چکے ،جو شخص اپنے خاندان سے وفا نہ کرسکا قوم اس سے کیسے وعدوں کی پاسداری کی توقع کرسکتی ہے- انہوںنے کہاکہ عمران خان کراچی جیسے شائستہ زبان بولنے والوں کے سامنے بھی اپنا بھرم قائم نہ کرسکے،مقابلہ گالی سے نہیں سیاسی میدان میں کیاجاتاہے-ترجمان نے کہاکہ عمران خان اپنے سیاسی مستقبل سے مایوس ہو کر سب پر کیچڑ اچھال رہے ہیں ،عمران خان اپنی بدزبانی اور اخلاقی گراوٹ کی وجہ سے ہی عوام کے ہاتھوں مسترد ہونگے-