PMLN on recent incidents of terrorism in the country

مسلح افواج اور چرچ پر حملوں کا مقصد پاکستان میں قیام ِ امن کی کوششوں کو نقصان پہنچانا ہے ۔
چرچ پر حملہ پاکستان کو عالمی سطح پر بدنام کرنے کی سازش ہے ۔ پاکستان میں جاری امن کی کوششیں ضرور کامیاب ہوں گی
ماضی کی حکومتوں کے دعوو ¿ں کے برعکس مسلم لیگ (ن) کی حکومت دہشت گردی کے مسئلے کو حل کرنے کے لئے دور رس اثرات کے حامل سنجیدہ اقدامات کررہی ہے ۔
پہلی بار وفاقی حکومت نے صوبائی حکومتوں کی استعداد کار بڑھانے کے لئے مربوط میکنزم اور جدید سہولیات فراہم کرنے کو ترجیح اول بنایا ہے ۔

پاکستان مسلم لیگ (ن) کے مرکزی سیکرٹری اطلاعات سینیٹر مشاہدا للہ خان نے کہا ہے کہ پاکستان میں جاری امن کی کوششیں ضرور کامیاب ہوں گی۔ مسلح افواج اور چرچ پر حملوں کا مقصد پاکستان میں قیام ِ امن کی کوششوں کو نقصان پہنچانا ہے ۔ کوئی بھی سچا مسلمان اور محب وطن پاکستانی اقلیتوںپر حملے کا سوچ بھی نہیں سکتا ۔ انہوںنے ان خیالات کا اظہار پارٹی کے اقلیتی ارکان اور صحافی نمائندوں سے ملاقات کے دوران کیا ۔مشاہد اللہ خان نے کہا کہ چرچ پر حملہ پاکستان کو عالمی سطح پر بدنام کرنے کی سازش ہے ۔ ہمارے معاشرے میں مذہب یا مسلک کی بنیاد پر کوئی تفریق نہیں۔ تمام شہری پاکستانیت پر یقین رکھتے ہیں ۔ مشاہد اللہ خان نے کہا کہ معاشرے میں انتشار پھیلانے والے عناصر کی سرکوبی کے لئے ہم سب کو اتحاد اور یکانگت کا مظاہر ہ کرنا ہوگا۔ پاکستان مسلم لیگ (ن) کی حکومت صوبائی حکومتوں کے تعاون سے دہشت گردی کے مسئلے کے مستقل حل کے لئے سازشی اور ملک دشمن عناصر کو قانون کے کٹہرے میں لانے کے لئے دن رات کوشاں ہے۔ انہوں نے کہا کہ ماضی کی حکومتوں کے دعوو ¿ں کے برعکس مسلم لیگ (ن) کی حکومت دہشت گردی کے مسئلے کو حل کرنے کے لئے دور رس اثرات کے حامل سنجیدہ اقدامات کررہی ہے ۔ مشاہد اللہ خان نے کہا کہ پہلی بار وفاقی حکومت نے صوبائی حکومتوں کی استعداد کار بڑھانے کے لئے مربوط میکنزم اور جدید سہولیات فراہم کرنے کو ترجیح اول بنایا ہے ۔ انشا ءاللہ پاکستان میں جاری امن کی کوششیں ضرور کامیاب ہوں گی۔