PMLN directs the District Leadership and Parliamentarians to Celebrate Independence Month As Month of determination

مسلم لیگ(ن)کا یوم آزادی کے حوالے سے اگست کے مہینے کو خودار،خوشحال اور
خود مختار پاکستان کی منزل حاصل کرنے کے لیے ماہ عزم کے طور پر منانے کا فیصلہ
( )
صدر پاکستان مسلم لیگ (ن) محمد نوازشریف کی ہدایت پر مسلم لیگ(ن) نے یوم آزادی کے حوالے سے اگست کے مہینے کو خودار،خوشحال اور خود مختار پاکستان کی منزل حاصل کرنے کے لیے ماہ عزم کے طور پر منانے کا فیصلہ کیا ہے ۔اس موقع پر تمام ضلعی اور شہری تنظیموں کو ہدایات جاری کی گئی ہیںکہ وہ اس حوالے سے اپنے پروگرامات ترتیب دیں ۔مرکزی سیکرٹری جنرل اقبال ظفرجھگڑا کی جانب سے جاری ہونے والے ایک سرکلرمیںپارٹی کی ڈویژنل ،ضلعی اور تحصیل اور اراکین پارلیمنٹ کے نام جاری کردہ تفصیلی ہدایت نامے میں کہاگیا ہے کہ اس بار ماہ اگست اور ماہ رمضان المبارک اکھٹے آئے ہیں جو 1947ءکی یاد تازہ کرتے ہیں ۔لہذااس حوالے سے افطا ر پارٹیوں کے پروگرامات کا بھی اہتمام کیا جائے ۔ان پروگرامات میں مذاکرے ،تقریری مقابلے ،کھیلوں کے پرو گرامات اور ریلیوں کا انعقاد کیا جائے جو14اگست یوم آزادی کے علاوہ پورا مہینہ جاری رہیں گے ۔مزید کہاگیاہے کہ ان پروگرامات میں پاکستان مسلم لیگ (ن) کی پاکستان کے لےے ماضی کی خدمات اور ملک کو غربت ، بے روزگاری ،لوڈشیڈنگ،مہنگائی اور بد امنی سے آزادی دلوانے کے لیے پارٹی کے ٹھوس پروگرام اوراس کی مضبوط ٹیم کے حوالے سے آگاہ کیا جائے ۔ماہ رمضان اور جشن آزادی کی خوشیوں میں پسے ہوئے اور کمزور طبقوں کو خصوصی طورپر شامل کیاجائے-