Nawaz Sharif’s message on Independence Day

پاکستان مسلم لیگ(ن) کے قائدمحمدنوازشریف کا 14اگست کے موقع پرپیغام
      (     )
پاکستان مسلم لیگ(ن) کے صدرمحمدنوازشریف نے14اگست کے موقع پرقوم کو مبارکباد دی ہے اورقوم کو ےوم آزادی کی مبارکباد دیتے ہوئے کہاہے کہ 14اگست کا تاریخی دن ہمیں ان مقاصد کی ےاد لاتا ہے جن کے حصول کےلئے ہمارے بزرگوں نے قربا نیاں دیںاورلاکھوں لوگوں نے پاکستان کے قیام کوےقینی بنایا۔نوازشریف نے کہاکہ بانی پاکستان قائد اعظم محمدعلی جناح نے پاکستان کو ایک ایسی ریاست بنانے کا خواب دیکھاتھا جہاں پر قانون کی عمل داری ، انصاف کابول بالااورسب کو مساویانہ حقوق اورآگے بڑھنے کے ےکساں مواقع میسر ہوں ۔نوازشریف نے کہا قائداعظم محمدعلی جناح کے تصور پاکستان کے مطابق ایک ایسی ریاست کا تشکیل کرنا مقصودتھا جہاں پرتمام لوگ رنگ ،نسل اورعلاقائی تعصبات سے بالاترہوکر اخوت اوربھائی چارے کے جذبے کے ساتھ مل کرجئیں۔قائداعظم محمدعلی جناح نے 11اگست کو اپنی تقریر میں ےہ واضح کردیاتھاکہ پاکستان میں تمام مذاہب سے تعلق رکھنے والوں کوہرطرح کی مذہبی آزادی حاصل ہوگی اورانہیں زندگی کے تمام شعبوں میں ترقی کے ےکساں مواقع میسرہونگے۔بدقسمتی سے آج بعض ملک دشمن اورسازشی عناصرپاکستان میں رہنے والی اقلیتوں کے اندراحساس محرومی پیداکرکے مذہبی آزادی کا رکاوٹ کاباعث بن رہے ہیں جوکہ انتہائی افسوسناک امرہے ،ایساکرنااسلام ، بنیادی انسانی حقوق اورآئین پاکستان کی روح کے منافی ہے ۔پاکستان میں رہنے والے ہندو مذہب سے تعلق رکھنے والے شہرےوں اوردیگرمذاہب کے ماننے والوں کاپاکستان پراتناہی حق ہے جتناکہ کسی دوسرے شہری کا۔انہوں نے کہاکہ آج پاکستان اپنے رہنے والوں سے ایک بارپھر اسی کردار کاتقاضا کرتاہے جس کامظاہرہ ہمارے آباو واجداد نے اسے قائم کرتے وقت کیا۔آج وطن عزیز کو داخلی اورخارجی محاذپر متعدد چیلنجز کا سامناہے اوران چیلنجز سے عہدہ برا ہونے کےلئے ہم سب کو ملکر قیام پاکستان کا جذبہ لے کرکے ساتھ میدان عمل میں اترناہوگا۔ انہو ں نے کہاکہ چھ دہائیو ں کا عرصہ گزرجانے کے باوجود ہم دنیابھرمیں کشکول اٹھائے پھررہے ہیںجس کی بنیادی وجہ قومی مفادات کاعدم تحفظ ،مقاصدپاکستان سے روگردانی ،ملک کوچلانے کےلئے ترجیحات کادرست اندازسے تعین نہ کرنا،خوداحتسابی کے عمل کا فقدان اورملک میں باربار آئین کی پامالی ہے۔اسی بات کا نتیجہ ہے کہ آج ملک میں ترقی کا عمل رک چکاہے اوراس کے برعکس کرپشن نے ملک کی جڑیں کھوکھلی کردی ہیں اورملک میں معاشی بحران ختم ہونے میں نہیں آرہا ۔نوازشریف نے کہاکہ آج کا دن اس لحاظ سے بھی نہایت اہم ہے کہ اگلے سال اس دن سے پہلے ہمیں اس ملک کی باگ دوڑ سنبھالنے کےلئے ،عام انتخابات کے ذریعے نئی قیادت کا انتخاب بھی کرنا ہوگا۔ہمیں اپنے ووٹ کی طاقت کے ذریعے اس ملک کو ایک ایسی صاف ستھری قیادت مہیاکرناہوگی جس کے پاس مسائل سے نمٹنے کےلئے صلاحیت ،چیلینجز کا مقابلہ کرنے کےلئے مضبوط کرداراورہماری آئندہ نسلوں کے مستقبل کومحفوظ بنانے کےلئے ٹھوس اورواضح ویژن اورحکمت عملی موجود ہو۔آئندہ انتخابات میں عوام سوچ سمجھ کرووٹ دیں اورملک کی باگ دوڑ ایک ایسی قیادت کے سپردکریں جس کا ٹریک ریکارڈ ان چیلنجز اوربحرانوں کا مقابلہ کرنے کاگواہ بھی ہواورجس کے پاس مسائل کے حل کی اہلیت بھی موجود ہو۔نوازشریف نے کہاکہ دوادھورے ادوارمیں ہم نے عوام کی ریکارڈ خدمت کی اورانفراسٹریکچر،مواصلات اورہرشعبہ ہائے زندگی میں عوامی فلاح وبہبود کے ریکارڈ ترقیاتی کام کئے ،جس کااعتراف آج بھی اندرون ملک اوربیرون ملک کیاجاتاہے ۔انہوں نے کہاکہ عوام کی ترقی اورخوشحالی کے منصوبوں کاپورے ملک میں جال بچھادیں گے کیونکہ الحمداللہ ہمارے پاس ایک ایسی ماہرین کی ٹیم موجود ہے جوپاکستان کو قائداعظم کے تصورت کے مطابق ایک خوددار،خودمختاراورخوشحال مملکت بنانے کی صلاحیت اورعزم رکھتی ہے۔ہماراماضی گواہ ہے کہ ہم نے خالی خولی نعرے بجانے کی بجائے عملا وہ کچھ کرکے دکھایاجس کی مثال نہ ہم سے پہلے موجودتھی اورنہ ہی ہمارے بعدآنے والے کرسکے ۔ہماراعزم ہے کہااگراللہ نے چاہااورماضی کی طرح آئندہ بھی آپ نے ہمیں اپنے ووٹ کی طاقت کے ذریعے پوری قوت کے ساتھ ملک بھرمیں اپنا کرداراداکرنے کاموقع دیاتوہم داخلی اورخارجی محاذوں پرایسی پالیسیاں تشکیل دیں گے جس کے نتیجے میں ایک بارپھرہمارا شماردنیابھرمیں باوقارقوم کی حیثیت سے ہوگا۔آئیے ان مقاصدکی تکمیل کےلئے ہماراساتھ دیں ،ہم نے پہلے بھی آپ کے اعتمادکواپنے عمل کے ذریعے تقویت بخشی اورآج بھی ہمارا وعدہ ہے کہ ہمارااولین مقصدآپ کے ملک اوراس ملک کے ہرشہری کے مفادات کاہرسطح پرتحفظ کیاجائےگا۔۔پاکستان پائندہ باد