Mushahid Ullah Khan on the successful visit of PM NAWAZ SHARIF to the US

وزیر اعظم پاکستان محمد نواز شریف کا دورہ ءامریکہ اور نیویارک میں اقوام ِ متحدہ کی جنرل اسمبلی سے خطاب مستقبل میں مسائل کے حل کے حوالے سے اہم سنگ ِ میل ثابت ہوگا
وزیر اعظم نے تدبر اور بہترین حکمت عملی کا مظاہرہ کرتے ہوئے پاکستان کو درپیش مسائل کو کامیابی کے ساتھ اجاگر کیا
گزشتہ کئی سالوں کے دوران پہلی بار ڈرون حملوں پر مو ¿قف کو بھرپور تائید حاصل ہوئی
بھارت کے عام انتخابات کے نتیجے میں قائم ہونے والی حکومت اس جذبے کے ساتھ پاکستان کے ساتھ دست ِ تعاون بڑھائے گی

پاکستان مسلم لیگ (ن) کے مرکزی سیکرٹری اطلاعات سینیٹر مشاہد اللہ خان نے کہا ہے کہ وزیر اعظم پاکستان محمد نواز شریف کا دورہ ءامریکہ اور نیویارک میں اقوام ِ متحدہ کی جنرل اسمبلی سے خطاب مستقبل میں مسائل کے حل کے حوالے سے اہم سنگ ِ میل ثابت ہوگا۔ انہوں نے کہا عالمی رہنماو ¿ں سے کامیاب ملاقاتوں اور جنرل اسمبلی سے خطاب کے دوران وزیر اعظم نے تدبر اور بہترین حکمت عملی کا مظاہرہ کرتے ہوئے پاکستان کو درپیش مسائل کو کامیابی کے ساتھ اجاگر کیا ۔ مشاہد اللہ خان نے کہا کہ دہشت گردی کی وجہ سے پاکستان کو درپیش مسائل پر عالمی برادری نے پاکستان کو بھرپور حمایت کا یقین دلایا اور گزشتہ کئی سالوں کے دوران پہلی بار ڈرون حملوں پر مو ¿قف کو بھرپور تائید حاصل ہوئی ۔ انہوں نے کہا کہ وزیر اعظم پاکستان کی بھارتی وزیر اعظم من موہن سنگھ کے ساتھ ملاقات بھی مستقبل میں دونوں ممالک کے درمیان تعلقات اور دیرینہ حل طلب اور متنازعہ امور طے ہونے میں مددگار ثابت ہوگی ۔ دنیا نے دیکھ لیا کہ پاکستان کی قیادت اور عوام بھارت سمیت خطے کے تمام ممالک کے ساتھ پرامن بقائے باہمی اور استحکام کے نہ صرف خواہش مند ہیں بلکہ اس سلسلے میں ہر سطح پر ہر پہلو سے بھرپور کردار ادا کرنے میں بھی مخلص ہیں ۔ مشاہداللہ خان نے امید ظاہر کی کہ بھارت کے عام انتخابات کے نتیجے میں قائم ہونے والی حکومت اس جذبے کے ساتھ پاکستان کے ساتھ دست ِ تعاون بڑھائے گی اور دونوں ممالک کشیدگی کم کر کے اپنے عوام کی خوشحالی کی خاطر امن کے قیام میں فعال کر دار ادا کریں گے ۔